Këshilli Drejtues, është organi më i lartë këshilldhënës dhe vendimmarrës i shkollës.
Ky organ përfaqësues, i cili përfshin përfaqësues nga komuniteti shkollor, stafin arsimor, prindërit dhe nxënësit, luan një rol të pazëvëndësueshëm në drejtimin strategjik dhe menaxhimin efektiv të shkollës, duke ndikuar drejtpërdrejtë në cilësinë e arsimit dhe mirëqenien e nxënësve.
Këshilli Drejtues i Shkollës është themeli mbi të cilin ndërtohet suksesi i një shkolle, është shtyllë themelore e një shkolle të suksesshme. Përmes vizionit të tij strategjik, angazhimit për përshirje dhe përkushtimit ndaj cilësisë, këshilli siguron që shkolla të jetë një mjedis i sigurt, i drejtë dhe frymëzues për të gjithë.

Këshilli i Prindërve është një strukturë e rëndësishme e shkollës sonë, që promovon bashkëpunimin midis prindërve, stafit arsimor dhe drejtuesit e shkollës.
Ky organ përfaqëson zërin e prindërve dhe luan një rol vendimtar në mbështetjen e zhvillimit të shkollës, nxënësve dhe komunitetit arsimor në tërësi.
Përmes konsultimeve të rregullta, këshilli diskuton sfidat dhe nevojat e shkollës, duke punuar së bashku me drejtuesit për të krijuar një mjedis të përshtatshëm për mësim. Përmes angazhimit të Këshillit të Prindërve jo vetëm që rritet cilësia e edukimit, por edhe sigurohet që çdo nxënës të ndjehet i mbështetur dhe i vlerësuar në rrugëtimin e tij arsimor.

Këshilli i Nxënësve është një strukturë demokratike brenda shkollës tonë, e cila u ofron nxënësve mundësinë për të marrë pjesë aktive në vendimmarrjen dhe organizimin e aktiviteteve të shkollës.
Ky këshill përfaqëson zërin e nxënësve dhe siguron që mendimet dhe idetë e tyre të merren në konsideratë në proceset vendimarrëse të shkollës.
Këshilli poashtu adreson shqetësimet, sugjerimet dhe idetë e nxënësve duke i paraqitur ato tek mësimdhënësit ose drejtoria e shkollës.
Këshilli i Nxënësve organizon aktivitete të ndryshme, duke përfshirë aktivitete kulturore, sportive, humanitare, që promovojnë bashkëpunimin, kreativitetin dhe ndjenjën e barazisë dhe pjesëmarrjen aktive të nxënësve.
Këshilli i Nxënësve është pjesë thelbësore e shkollës sonë, i cili fuqizon zërin e nxënësve dhe krijimin e një mjedisi demokratik. Përmes tij nxënësit bëhën pjesë aktive e zhvillimit të shkollës dhe përgatiten për të qenë qytetarë të përgjegjshëm në të ardhmen.