Dhuna e shprehur ndaj nxënësve pas vitit 1991 ku nga shkolla merreshin masa disciplinore, këtu asnjë nxënës nuk u përjashtua dhe nuk përjetoi masa të tilla. Nuk u torturua, vra apo u helmua asnjë nxënës. Mendimet e shprehura politike përmes shkrimeve dhe daljes masive u heshtën nga kolektivi dhe pa krijuar panikë dhe pasoja. Çdo vit shkollor duhej të dorëzonte shkolla informata mbi diferencimin moralo-politik të mësimdhënësve por kompaktësia dhe uniteti i kolektivit nuk lejoi që të bie në grackat që i kurdiseshin arsimit shqip dhe shkollës sonë. Për fat të mirë nuk pati mësimdhënës apo nxënës të vrarë. Drejtori i kësaj kohe Azem Selimaj për hirë të mbajtjes në presion të kolektivit iu nënshtrua një presioni politik prej vitit 1990 e tutje me qëllim të krijimit të një atmosfere dhune për lojalitet ndaj okupatorit serb. Ai mori disa herë shkrime kërcënuese me masa ndëshkuese, si nga ato materiale deri tek ato penale ndaj tij dhe mësimdhënësve, nëse nuk pranoheshin planprogramet të cilat u sollën nëpër shkolla.
Planprogramet e tyre përmbanin gjithçka që nuk i takonte popullit tonë. Ato plane u futën në shkolla me qëllim, për tu deklaruar te të gjithë mësimdhënësit se me çfarë plane do të punonin. Të gjithë mësimdhënësit pa u hamendur fare ato plane i refuzuan. Planet ishin diskriminuese sipas të cilave mohohej tradita e popullit shqiptar. Presioni në arsim gradualisht po shtohej. Sa më i madh ishte presioni aq më i vendosur populli, që t’i bënte qëndresë. Bëhej diferencimi që të sulmoheshin personat më autoritativ të shkollës. Masat represive, kulminacionin e tyre e arritën në dëbimin e nxënësve dhe mësimdhënësve nga shkolla. Pas dëbimit, nëpër shkolla u vendos që të protestohet. Ministria e Arsimit mori qëndrim që të protestohet para shkollave me mësimdhënës dhe prindër të nxënësve. Ishte paraparë të protestohet tri ditë me radhë. Edhe kjo shkollë protestoi në kohë të paraparë, mirëpo pas pak kohe, organet shtetërore erdhën dhe shpërndanë turmën e njerëzve. Drejtori, pra Azem Selimaj, u thirr në biseda informative dy herë në Gjykatën për kundërvajtje për shkak të mos zbatimit të planprogramit mësimor sërb dhe mosndërrimit të vulave me fjalët “Kosova dhe Metohija”. Meqenëse ishte e paraparë që protesta të zgjaste për tri ditë, ajo nuk u realizua për shkak se në disa shkolla ishin rrahur e malltretuar protestuesit dhe dyshohej se presioni do të ishte edhe më i madh nëse vazhdohej një gjë e tillë. Prandaj Ministria e Arsimit e asaj kohe vendosi që të ndërpritej protesta. Dhuna shprehej me kërcnimin” largim nga puna”, me vizita të shpeshta të policisë serbe të armatosur në korridore të shkollave si dhe në zyrat administrative. Sa më shumë që shtohej dhuna, uniteti dhe rezistenca bëhej më e fortë. Për këtë arsye mësimi u ndërpre më 3 shtator të vitit 1991 për një muaj deri më 1 tetor të po këtij viti. Tentimi i dytë për të hyrë në shkolla më 4 tetor 1992 qe i pa suksesshëm pasi që prap mësimi nuk u lejua të mbahet në disa shkolla fillore të Republikës së Kosovës. U organizuan protesta të qeta në të gjitha nivelet e shkollave në Kosovë. Mësimi u ndërpre me 16 tetor 1991 por rrethanat e krijuara bënë që viti shkollor të shtyhet gjerë më 1 janar 1992 kur edhe filloi në kushte dhe rrethana të jashtëzakonshme me plan dhe program të reduktuar. Puna filloi në lokalet shkollore.
Gjysmëvjetori zgjati prej 20 janarit 1992 deri më 30 prill 1992, ndërsa gjysmëvjetori i dytë prej 5 majit 1992 deri 30 qershor 1992. Dokumentacioni pedagogjik dhe mjetet zyrtare shkollore ishin komplet shqipe si: ditarët, dëftesat, librezat dhe vulosja e tyre u bë sipas dekreteve zyrtare të Ministrisë së Arsimit të Republikës së Kosovës. Organizimi i punës në shkolla bëhej me ndihmën e Këshillit të pindërve ngase shkollat duheshin ngrohur për të krijuar kushte për mësim. Ata financonin në baza vullnetare për të krijuar mjete për punë. Vlen të përmendim edhe disa emra që mundësuan që kjo shkollë të vazhdoj punën si Osman Nikqi që kontriboi me mjete mësimore nga Turqia.
Drutë për ngrohje vinin nga komuniteti në baza vullnetare si Riza Lluka, Tefik Krasniqi, Muhamet Kastrati, Gani Muqolli, Nazmi Gega, Sherif Qosaj etj. Përkundër situatës së vështirë mësimi në këtë shkollë nuk u ndal, duke mos përmendur edhe pagat mujore të mësimdhënësve dhe stafit shkollor që ishin të vogla e më shumë simbolike. Këtu u doli në ndihmë mësuesve prindi i kësaj shkolle, Fatlum Domniku i cili shpërndau nga një pagë mujore si dhe Hajrije Zatriqi ish mësuese e kësaj shkolle ndihmoi me mjete materiale mësuesit.
Nga marsi i vitit 2014 këtë shkollë e udhëheq profesoresha Agime Lajqi.
Puna e vazhdueshme dhe angazhimi kanë vazhduar pa u ndalë duke bërë shumë punë dhe duke qenë zëri i aktivteteve dhe sukseseve të nxënësve në qytet, e padyshim duke e marrë edhe epitetin e shkollës si shkollë - e para në qytet. Meqë kjo shkollë është edhe shkollë 'Pilot', vazhduan angazhimet e personelit me trajnime tjera në kuadër të zbatimit të KKK , sipas kërkesave të reja të Ministrisë së Arsimit. Tanimë i tërë personeli i mësimdhënësve është i trajnuar dhe të gjithë punojmë me planet e programet me KKK. Jemi ndër dhjetë shkollat e para që e përvetsuam dhe u certifikuam me këtë reformë arsimore. Krahas punës së vazhdueshme që bëhej në shkollë, Drejtoresha e shkollës ndihmoi dhe kontriboi në të gjithë procesin duke u angazhuar të jetë pjesë e takimeve në MASHT, DKA, ashtu që tërë pocesin ta kalojmë me sukses dhe të jemi të informuar për çdo detaj, e poashtu të bartim edhe informatën tek nxënësit dhe prindërit. Poashtu, në kuadër të aktivteteve jashtëmësimore është realizuar plani me përpikmëri dhe janë përkrahur të gjitha aktivitetet e nxënësve dhe mësimdhënësve. Angazhimet tjera ishin të shumta në kuadër të shkollës. Infrastruktura dhe kushtet në shkollë jo të mira kërkonin përkrahje dhe zgjidhje nga DKA e Komuna Kërkesat tona u arsyetuan me vizitën e kryetarit të Komunës dhe në këtë vizitë të gjitha premtimet për shkollën u realizuan. Shkollës i është ndryshuar pamja për të mirë, që ndikon drejtëpërdrejtë në rezultatete dhe të arriturat e saj.
Në kuadër të cilësisë është edhe Grupi i mësimdhënësve për 'Përmirësimin e vlerësimit të Rezultateve të të Nxënit' të cilët angazhohen që cilësia të jetë sa më e mirë. Në mesin e këtyre mësimdhënësve kemi edhe trajnerë për Kurrikulën Bërthamë gjë që e bën këtë shkollë të bashkëpunojë dhe të jetë më e suksesshme në procesin mësimor në krye me drejtoreshën e kësaj shkolle. Ndihmë të madhe në ngritje të cilësisë së shkollës ofron edhe Kordinatorja e cilësisë Nexhmije Shala. Nga viti 2014, shkolla vazhdon të punoj me sukses, edhe në kuadër të infrastrukturës ku dhe janë renovuar shumë pjesë të hapsirës së shkollës si: komplet ndërrimi i dyerve dhe dritareve të shkollës, aneksi me tri klasë të reja të kompletuara për mësimin parafillor, nyjet sanitare në të gjitha banjot e shkollës, renovimmi komplet i tyre deri të lidhja e kanalizimit jashtë nga sistemi i vjetër në lidhjën e kanalizimit të ujrave të zeza të qytetit, salla e edukates fizike e renovuar me të gjitha kushtet e nevojshme për orën e mësimit, lyerja e korridoreve të brendshme të shkollës, vendosja e kamerave në hapsirat e shkollës, rregullimi i trotuareve për rreth shkollës (kubizimi), blerja e hapsirës së 4 ari tokë para shkollës, rregullimi i magazinës për vendosjën e drunjve, shpërndarja e nxemjes dhe riparimi i radiatorëve nëpër hapësira të shkollës, krijimi i kopshteve shkollore, gara me tabela të reja dhe pajisja me tabela. Shkolla ka bashkëpunuar vazhdimisht me shkollën 'Vahide Aktug' nga Bursa e Turqisë, ku ata na kanë ndihmuar me mjete, të holla dhe veshëmbathje për nxënës, poashtu edhe me projektor dhe kompjuterë e printerë për shkollë, dhe kanë bërë edhe shumë punë tjera përcjellëse. Poashtu janë renovuar dy klasë dhe janë krijuar kushte për kabinetete të Informatikes të pajisura nga Komisioni Evropian. Është pasuruar biblioteka me tituj të librave nga Instituti Albanologjik i Kosovës dhe organizata SICLUB Peja.
Puna vazhdon edhe me aktivitete te cilat janë synime të vazhdueshme që ka shkolla.
Aktivitetet në shkollën tonë zakonisht përfshijnë një gamë të gjerë veprimtarish për të nxitur zhvillimin akademik,social dhe kreativ të nxënësve.
Disa nga shembujt e aktiviteteve në shkollë janë:
-Aktivitete mësimore: Ku përfshihen projekte grupore dhe individuale. Takime letrare, kuize të ndryshme
-Aktivitete kulturore: Ku përfshihen festat kombëtare dhe ndërkombëtare. Ekspozita artistike të punimeve të nxënësve.
-Aktivitete sportive: Ndeshje futbolli dhe lojëra tjera. Turne sportive ndërshkollor
-Klube interesi siç janë: Klubi i Artit, Muzikës. Klubi i Ekologëve dhe aktivitete për mbrojtjen e mjedisit.
-Ekskurzione dhe Vizita Edukuese: Vizita në muze,teatro dhe institucione të tjera kulturore.
-Aktivitete sociale dhe humanitare: Mbledhje fondesh për qëllime të ndryshme.
